A Kumbl vom Holger dr , isch schoh frier komma. Se hend noh an Marsch oder a kloine Radtour macha wella. Abr do wars Weddr drgega. So hend se ersch mol en dr Gloschdrmedzg ond hen eikauft. Noh send se uff sellan Felsa ganga, wo mr vom Gloschdr guad siehd ond hend abigluagad. Des isch dr Schbaldfelsa.

Dr hot an Moschd ond da Kardoffelsalat mitbrocht. Noch isch dr ond dr Günther (ohne Fote weil der hender dr Kamera gschdande isch) komme. Dr war der letztschte wo komme isch. Lang hen se warte missa aber drfir han i au en mitbrocht. Do send aelle auf oim Haufe: .

Zersch kommt d'Kultur! Ond zwar es Gloschdr Beuron. Dr Holger, ond dr Rainer send beim Günther em Auto mit gfahre i ben mit em Tom ond em Rolf gloffa. Onderwegs han mr von de Vegetarier gschwaetzt ond emmer an den Leberkaes denkt wo scho beim Holger em Ofa brutzelt hot.

Onda akomme hen mir de andere wieder droffa. Noh send mir en Kirch ganga. Do hot o gloinr middama digga Bauch ond digga Hendrdoil, an rechd inderessanda Vordrag ghalda. Dr Rainer isch sich sicher: " Der Mench war GANZ EIDEIDICH an nördlichr Badenzr (so vo Kallllllsruh odda Monnem unneruff), wo sein Dialäggd ondrdruggd hodd!" Sp&auuml;ter hot sich rausgschtellt, dass der gar koin Mench sondern a Pädderle gwae isch ond "Pater Mauritius" hoisst ond tatsächlich Badenzer isch. Dr Onderschied isch dass a Padderle de Pfarrer vertrete derf.

A ond a hen mr do au gsä. Des isch dr berühmte Beuroner Gaul wo ons der Mönch verzehlt hot, daß ma den von alle Seite auf sich zu galloppiere sieht. En wandernder Kinschtler het seinerzeit agfrogt ob er au ebbes mole derf aber die Sembel hen en fortgschickt. No hot er en dr Middagspause den Gaul gmolt ond isch no verschwonde.

So langsam hot dr Holger Bedenga om dr Leberkaes ghett. Deshalb send mir alle zsemma middam Audo vom Gindr dr Buggel nuffgrudschd. Sechs Leit wie mir en oim Auto, dees war ganz sche eng hende dren. Bsonders dr Rainer hots hart droffa. Do drbei hent mr feschdgschdelld, dass bei dem Audo a Radlager em Oimr ischd.

Wia mir zrickkommad, war dr schoh iberferdich. Den hent mr budzd ond noh ischs losganga. Viel gässa:
Leberkäs mit Kardoffelsalad ond siamssam Sembf ond Meerreddich, Bier, Moschd, a Dösle Rauchfloisch in Aschpik mit em Baurabrot vom Rainer, a Schnäblse hendrher. Noh dr Zwedschgakuacha vom Jirgen, Kaffee oder aebbas andrs drzuah.

Dr hot no zwoi Fläschle von seim selber gmachte Wei sprenge lau. En Rosé ond en weiße Spätlese. Fir en Wirtteberger war der gar net schlecht! (Holger soll i do a Bezugsadresse neischreibe?)

Was bleibt no zom sage? Dr Holger hot id blos en Hond sondern au no a baar fette Katze ond i han no a Bildle ibrig: . I schätz mir kommet bald mol wieder zom Holger ;-)

Jürgen Dollinger mit Bilder vom Günther Fischer ond geklauter Text vom Holger Reuchlin. Der hot au a oigne Seite zu dem Dag.