So jetz gohts los: Mer hen ond droffe am Samschdich da 20schde Merz 1999 so ab oinse Middags en Holzmada em Schdoibruch-Museum. Des isch grad nom vom Museum Hauff.

Dr Holger d'Goda dr Wolfgang . Zletscht isch dr Juergen und dr Marco komme, weil vor Merklinge auf dr Autobah en komplett unmotivierter Stau gwae isch.

Es send no meh komme die werdet schpaeter vorgschtellt.

Des Schdoibruchmuseum wird von ma Verei bedrieba, en dem dr Guenther ao Midglied isch. Er hot guade Kondiziona beim Eidridd rausghandeld ond hot ons a fachkundiga Fiehrong geabe. Aschliessend hen mr no a weng Klopft ond guckt ob mr so en Saurier fendet. Dr Rolf ond dr Holger hen d'Hend en Dasch gschteckt ond Honger gschrie anstatt Stoiner zom klopfe. Ond lieber mit em Haendy de Guenther arufe als zwoi Schritt weit laufe! Drnoch sen mir no weider noch Weilheim. Do geids a Schdaddkirch Sankd Peder midd Originalausmolonga uss em 16 Johrhondert. Dees isch a evangelische Kirch wo frieher ewig lang ema katholische Kloschter ghert hot. Drom hot nemand ebbes dra gmacht ond aelles isch original erhalte bliebe. Bilder hen mr do grad koine drvo. Aschliessend sen mr noch Haeringa en s Roessle.Haeringa isch a Flaegga midd 6 Haeuser ond 3 Wirdschafda. Bekannd fir Mooschd ond guad Veschbra.

Ganz oifach zom Fenda: Mer fehrd von Weilheim/Teck en Richdong Gruibingen. Oogfaehr zwoi Kilomeder noch em Ordsausgang gohds rechts ab noch Haeringa. Des isch guad ausgschildrad. Ond no fehrd mer oifach 2 Kilomeder da Berg nauf ond isch en Haeringa.

S Roessle isch s zwoide Wirdschaefdle lenks.

S geid do ibrigends ao Wurschddosa (8 Dosa fir 30 Maerker). D Qualideed soll edd schleachd sei...

Dr Rolf verzieht a weng s'Gsicht weil d'Goda nebadra Kuttle bschdellt hot. Dees isch ihr ein und alles. No zwoi Leit wo ma muass vorstelle: D'Mutter vom Werner ond d'Karen die wo praktisch extra aus Chicago komme isch. Aschliessend hot s'Eile no en ihre Alpevereinshitte eiglade. D'Goda hot dees kennt weil se do als jongs Maedle scho gwae isch. Wieder ebber neier: d'Roswitha wo a Freindin von dr Goda isch. En dr Kuche hen mr s'Eile bsucht weil die hot koche misse an dem Dag. Dr Marco hot Schupfnudle mit Nutella kriegt do muss ma nadierlich probiere zersch ohne ond dann mit Nutella. So sehet Schupfnudle mit Nutella aus dr Naehe aus! D'Oile vom Eile fir s'Aeffle ond s'Pferdle.
Richtige Oier waret en ma Koerble schee gfaerbt mit dem Faehnele drzu. Blos viel esse hen mr nemme kenne noch dem Veschper en Haerenge ond de Probiererle von de Schupfnudle, Mauldasche, ond Leberknedel. D'Schokladoier hen en en andere Mage no neipasst.

Ibersicht iber aelle Dreffe.

Last change 03/04/99 Jürgen Dollinger