Äffle ond Pferdle Treffe am 11. Juni 2006 en Esslinge Em Café am Markt hot ma sich troffe: Matthias, Manne 3, Günther, Fredy, ond s Mariele de kloi vom Olaf.

Wenn d Uhr am Rothaus schlegt dann flattert der Adler mit de Fliegel.

Dn isch später naufgange

Jetzt send fascht älle do: Manne 3, Fredy, Christiane (henderm Fredy mr sieht blos dr Rock), Matthias, Günther, Carola, Beate, Ulli, Manne Nord, Eile, Olaf.

Am Pfleghof des Klosters Blaubeuren vorbei

Das Ei'le führt die Truppe an. Trainiert durch 1000km Rad fahren sind wir nur schwer schnaufend hinterher.

Obe han i a Panorama aufgnomma. Isch a ganz scheene Frickelei sowas nocher vo Hand zsammezsetzed.
Ganz Links isch Oberesslinge mit dene drei Kamee. A Stick weiter mit dem spitze Tirmle do ischs Lehrerseminar a bissle weiter drhender mit dene zwoi Dächle isch d FH wo dr Günther schafft, a Weng meh rechts die zwoi Tirm mit der Verbindung isch d Stadtkirch St Dionys ond rechts hende isch d Plieninger Vorstadt.
Wer lieber die oinzelne Bildle agucka will: ois, zwoi, drei, vier, fempf, sechs, sieba, acht.
Das Rathaus von oben

So Preise wie im dicken Turm zahlt kein Schwob


Sektkellerei Kessler von vorne ond von hende


Esse im Palmsche Biergarde! Esslinger Krautpfann mit Honig ond Schpeck, Zwiebelroschtbrote mit Kraut Maultasche ond Spätzle, riese Salatdeller, Germknödel ...

Ein Mann(e3) mit Eiskaffee

Äffle, Pferdle ond a Bräschlengs-Xälz vom Ei'le

Do han i eigentlich welle dees Photographiere was der Matthias grad en seiner Daesch verschwende lesst, han aber aus versehe a Filmle dreht.

Dr Boschtmichel
Dr Rolfeisen isch scho beim Esse nebe mr gsaesse, kurz vorher ischer drzugschtosse

Am Blarer[1] Blatz isches Lehrerseminar ond a Kirch wo fascht abbroche worde wär bis se gmerkt hen dass schad drom isch

huuii

A Harley als Fahrrad mit Broitroife

Jetzt gohts endgültig zur Kultur. D Kirch St Dionys.[2]

Dr Lettner

D Orgel isch do dren ebbes bsonders. Der Sound wird oberhalb von der Holzdecke durch noch vorne gleitet ond es hot vorne en dr Kirch die Möglichkeit die Orgel wo hende isch zom spiele.

D Kirchefenschter send blos mit Fernglas zom entziffre ond au scho uralt

Trotz Reformatio hend die Kardinäl am Chorgschtül bleibe dirfe


Em Keller gibts a Museum
Em Sarg vom Hoilige hots a Loch ghet drmit die Gläubige do ihre Sächle neihenge kennet

Iber d Grabplatt vom Nordmann hemmer ons amüsiert, obwohl dr nordische Manne mit seim Hond drausse gwartet hot.

Wieder an der Sonn. Kleinvenedig:

ond der lengschte Blumekaschte Europas

Schelztor. A Eisdiele war onde dren.


Paus mit Eis. A Ananassplit ond en WM Pokal, der bei mir kognitive Dissonanze ausgloest hot


Wasserkraft:

Abschiedsphoto gibts en oinige Variante. Mit hen solang durchgwechselt bis jede blede Digiknipse dees Photo ghet hot.

Dees wars mit em Treffe. I ben mit der Christiane aschliessend no auf Teck[3] nauf. Teufelskralle

D Wappe am Eigang weiset auf die Burgbesitzer hin

Dren gibts ned viel ausser nem Kiosk wo aber zu ghet hot ond en Aushang von de Tischsitte
Ein Wahnsinnsblick speziell au zom hohe Neuffe nom

ond Richtung Esslinge (em Dunscht)

drei Kaiserberge?

Blick aus dem Sibyllenloch[4]

A baar Links han i no zsammetrage fier aelle wo no meh wisse welled:
[1] Wikipedia: dr Reformator Blarer
[2] Landesdenkmalpflege iber St Dionys
[3] Wikipedia: Teck
[4] Wikipedia: Sibyllenloch
[5] Wikipedia: Bauwerk en Esslingen
[6] Dr Plamsche Bau wo mr zom Esse wared
[7] Posting vom Günther
[9] Bericht vom Ulli
[10] Andere Äffle ond Pferdle Treffe